करवीनिवासिनी अंबाबाई

 

आदिलशाही राज्यात लपविलेली करवीरनिवासिनी अंबाबाईची मूर्ती छत्रपतींनी पुन्हा मूळ मंदिरात स्थापन केली, तो आजचा ऐतिहासिक दिनविशेष....

पातशाह्यांच्या काळात कोल्हापूर प्रांतावर आदिलशहाचा ताबा होता. या काळात सर्वत्र धामधूम माजलेली असायची. राज्यव्यवस्था स्थिर नव्हती. युद्धप्रसंगी मंदिरांची नासधूस केली जायची. अशावेळी देवीच्या मूर्तीस काही अपाय पोहोचू नये या हेतूने करवीरनिवासिनी अंबाबाईच्या पुजाऱ्यांनी देवीची मूळ मूर्ती मंदिरातून काढून नेऊन कपीलतीर्थाजवळ गुप्त ठेवली होती. पुढील काळात कोल्हापूर प्रांत स्वराज्यात आला. छत्रपतींचे स्थिरस्थावर राज्य स्थापन झाले, तेव्हा वेदशास्त्रसंपन्न नरहरभट सावगावकर यांनी करवीर राज्याचे अधिपती श्रीमंत छत्रपती संभाजीराजे (दुसरे) यांची पन्हाळगडावर भेट घेऊन महाराजांस हा सर्व वृत्तांत सांगितला व आपणांस साक्षात्कार होऊन आई अंबाबाईने आपली मूर्ती मूळ ठिकाणी स्थापन करावी, असा दृष्टांत दिल्याचे महाराजांस सांगितले. यावेळी छत्रपती संभाजीराजेंनी आपले सेनापती सिदोजी घोरपडे - हिंदूराव गजेंद्रगडकर यांना अंबाबाईच्या मूर्तीची मूळ मंदिरात विधीवत प्रतिष्ठापना करण्याची आज्ञा दिली. महाराजांच्या आज्ञेनुसार सेनापती घोरपडेंनी सन १७१५ साली विजयादशमीच्या शुभमुहूर्तावर करवीरनिवासिनीच्या मूर्तीची मूळ मंदिरात विधीवत प्रतिष्ठापना केली. ती तारीख होती दिनांक २६ सप्टेंबर १७१५.

तोच हा आजचा ऐतिहासिक दिवस, जेव्हा एक शतकाहून अधिक काळ गुप्तपणे लपवून ठेवलेल्या अंबाबाईच्या मूर्तीची तिच्या मूळ मंदिरात पुनर्स्थापना झाली. छत्रपतींच्या स्थिर व सुरक्षित राजसत्तेचे ते प्रतीक होते. मूर्तीबद्दलची माहिती देऊन आपल्याकडून हे शुभकार्य घडवून घेतल्याबद्दल छत्रपती संभाजीराजांनी नरहरभट यांना काही पेठा व वतने इनाम दिली व देवीच्या नित्य पूजाअर्चेसाठी सावगाव हे गाव इनाम दिले. 

छत्रपती संभाजीराजे (दुसरे) म्हणजे छत्रपती शिवरायांचे नातू व छत्रपती राजाराम महाराजांचे सुपुत्र होत.

संदर्भ : 

करवीर रियासत, पान २६४

सेनापती घोरपडे घराण्याची कैफियत.

छायाचित्र - करवीरनिवासिनी अंबाबाईच्या मूर्तीच  ऐतिहासिक छायाचित्र...

Let's Change Maharshtra

 https://youtu.be/2hAPsN70DM4?feature=shared

घालीन लोटांगण या प्रार्थनेचे रहस्य

 

*घालीन लोटांगण या प्रार्थनेचे रहस्य तुम्हाला माहित आहे का* ? ...

बाप्पाची आरती झाल्यानंतर एका लयीत व धावत्या चालीत ही प्रार्थना म्हटली जाते. अतिशय श्रवणीय व नादमधुर असल्याने खूपच लोकप्रिय आहे. सर्वत्र म्हणले जाते व भक्त त्यात तल्लीन होऊन जातात.

आज आपण या प्रार्थने मधील वैशिष्टे पाहूया व त्याचा अर्थ समजावून घेऊ. ही प्रार्थना चार कडव्याची आहे व पाचवे कडवे हे एक मंत्र आहे.

वैशिष्ट्ये :

(१) प्रार्थनेतील चार कडव्यांचे कवी हे वेगवेगळे आहेत.

(२) ही चारही कडवी वेगवेगळ्या कालखंडात लिहिली गेली आहेत.

(३) पहिले कडवे मराठीत असून उरलेली कडवी संस्कृत भाषेत आहेत.

(४) वेगवेगळ्या कवींची व वेगवेगळ्या कालखंडातील कडवी एकत्र करून ही प्रार्थना बनवली गेली आहे.

आता आपण प्रत्येक कडवे अर्थासह पाहूया :

१) घालीन लोटांगण वंदीन चरणl डोळ्यांनी पाहिन रूप तुझे | 

प्रेमे आलिंगन आनंदे पूजीन | 

भावे ओवाळीन म्हणे नामा |

वरील कडवे संत नामदेवांनी तेराव्या शतकात लिहिलेली एक सुंदर रचना आहे

अर्थ.. 

कृष्णाला उद्देशुन संत नामदेव म्हणतात, तुला मी लोटांगण घालीन व तुझ्या चरणांना वंदन करीन. माझ्या डोळ्यांनी तुझे रूप पाहिन एवढेच नाही तर तुला मी प्रेमाने आलिंगन देऊन अत्यंत मनोभावे तुला ओवाळीन.

२) त्वमेव माता च पिता त्वमेव | 

त्वमेव बंधुश्च सखा त्वमेव | 

त्वमेव विद्या द्रविणं त्वमेव | 

त्वमेव सर्व मम देव देव |

हे कडवे आद्यगुरू शंकराचार्यांनी गुरुस्तोत्रात लिहिलेले आहे. ते संस्कृत मध्ये आहे. हे आठव्या शतकात लिहिले गेले आहे.

अर्थ.. 

तूच माझी माता व पिता आहेस. तूच माझा बंधू आणि मित्र आहेस. तूच माझे ज्ञान आणि धन आहेस. तूच माझे सर्वस्व आहेस.

(३) कायेन वाचा मनसेन्द्रियैर्वा | 

बुद्ध्यात्मना वा प्रकृती स्वभावात | करोमि यद्येत सकल परस्मै |

नारायणापि समर्पयामि ||

हे कडवे श्रीमदभगवत पुराणातील आहे. ते व्यासांनी लिहिलेले आहे.

अर्थ… 

श्रीकृष्णाला उद्देशून हे नारायणा, माझी काया व माझे बोलणे माझे मन, माझी इंद्रिये, माझी बुद्धी माझा स्वभाव आणि माझी प्रकृती यांनी जे काही कर्म मी करीत आहे ते सर्व मी तुला समर्पित करीत आहे.

(४) अच्युतम केशवम रामनारायणं | 

कृष्ण दामोदरम वासुदेवं हरी | 

श्रीधर माधवं गोपिकावल्लभं | 

जानकी नायक रामचंद्र भजे ||

वरील कडवे आदि शंकराचार्यांच्या अच्युताकष्ठम् मधील आहे. म्हणजेच आठव्या शतकातील आहे.

अर्थ… 

मी भजतो त्या अच्युताला, त्या केशवाला, त्या रामनारायणाला, त्या श्रीधराला, त्या माधवाला, त्या गोपिकावल्लभाला, त्या श्रीकृष्णाला आणि मी भजतो त्या जानकी नायक श्रीरामचंद्राला.

हरे राम हरे राम | 

राम राम हरे हरे | 

हरे कृष्ण हरे कृष्ण | 

कृष्ण कृष्ण हरे हरे |

हा सोळा अक्षरी मंत्र 'कलीसंतरणं' या उपनिषदातील आहे.

कलियुगाचा धर्म हे हरिनाम संकीर्तन आहे. याशिवाय कलियुगात कोणताच उपाय नाही. हा मंत्र श्री राधाकृष्णाला समर्पित आहे.

अशी ही वेगवेगळ्या कवींची, वेगवेगळ्या भाषेचे मिश्रण असलेली प्रार्थना अत्यंत श्रवणीय आहे. तिचे नादमाधुर्य व चाल अलौकिक आहे. 

 हे गाताना भक्त तल्लीन होतात व त्यांचा भाव देवा पर्यंत पोचतो.🙏

 *गणेश चतुर्थीच्या सर्वांना मनःपूर्वक हार्दिक शुभेच्छा*🙏

अकबर बिरबलची आधुनिक गोष्ट

 

*अकबर बिरबल ची गंमतीदार व आधुनिक गोष्ट-* 

*अकबर* – मी तुला ३ प्रश्न विचारेन पण तू मात्र एकच उत्तर द्यायचं.. ते प्रश्न असे...

👉🏻 गेल्या ५० वर्षांत जगभरात डायबेटीस का वाढला ? 

👉🏻 जगभरातल्या चिमण्यांची संख्या का कमी झाली ?

👉🏻 नोवाक जोकोव्हिच जगातला नंबर १ टेनिस प्लेयर का बनला ?  

आता या तिन्ही प्रश्नांचे एकच उत्तर दे.        

*बिरबल* – वाह खाविंद, काय प्रश्न विचारला आपण. या प्रश्नाचं उत्तर आहे *तृणधान्य किंवा मिलेटस्.* बरोबर ? 

*अकबर* – अगदी बरोबर. पण तुला लगेच उत्तर कसं काय सुचतं रे ?

मग या तिन्ही प्रश्नांचे उत्तर तृणधान्य कसे ते तूच समजावून सांग आता..

*बिरबल* – काही हरकत नाही हुजूर. आता डायबेटीस का वाढला ? तर गेल्या ५०-६० वर्षांत लोकांचे भात आणि गहू खाण्याचे प्रमाण खूपच वाढले आहे. ज्वारी, बाजरीसारखी तृणधान्य खायचे लोकांनी बंद केले. त्यात पुन्हा हे गहू तांदूळ आता संकरित बियाण्यांपासून पिकवतात आणि पॉलिश तर इतके करतात कि आजिबात फायबर शिल्लक ठेवत नाहीत. असं धान्य खाल्लं की त्यातली साखर लगेच रक्तात उतरते आणि मग डायबेटीस होतो. 

*अकबर* – बरं मग त्या चिमण्या कुठे उडून गेल्या ?

*बिरबल* – त्याचं असं आहे खाविंद. बाजरी, नाचणी, राळे यासारखी छोटी तृणधान्य हे चिमण्यांचे आवडते खाद्य आहे. पण आता शेतात सगळीकडे गहू आणि तांदूळ पिकतो. शेतात तृणधान्यच नाही तर बिचाऱ्या चिमण्या खाणार तरी काय ?

*अकबर* – आणि त्या तिसऱ्या प्रश्नाचं काय ? आणि हा जोकोव्हिच कोण ?    

*बिरबल*– धीर धरा खाविंद सांगतो. नोव्हाक जोकोविच हा सर्बियाचा टेनिस प्लेयर आहे. आज तो जगात नंबर १ आहे. पण त्याच्या करीयरची सुरवात एवढी चांगली नव्हती कारण त्याचा स्टॅमिना कमी होता. तो पटकन थकायचा कधीकधी तर विनिंग पोझिशनमधून त्याने मॅचेस सोडून दिल्या आहेत. मग एके दिवशी त्याला एक डाएटिशीयन भेटला. त्याने जोकोविचला गव्हातल्या ग्लुटेनची अॅलर्जी असल्याचे सांगून आहारातून गहू पूर्णपणे बंद करण्याचा सल्ला दिला. मग त्याने मिलेट खायला सुरुवात केली. आणि काय आश्चर्य ? जोकोविचचा थकवा जणू गायब झाला. आज त्याच्या नावावर जगातल्या सर्वाधिक २३ ग्रॅण्डस्लॅम टायटल आहेत आणि तो जगातील नंबर १ प्लेयर आहे. 

*मित्रांनो गोष्ट जरी काल्पनिक असली तरी त्यात विचारलेले प्रश्न आणि त्यांची उत्तरं वास्तव स्थितीवर आधारित आहेत. संयुक्त राष्ट्रसंघ अर्थात United Nations ने २०२३ हे वर्ष ‘जागतिक भरडधान्य वर्ष’ म्हणजेच International year of Millets म्हणून घोषित केले आहे. यामागे तृणधान्यांचे महत्त्व जगभर पोहोचावे हा उद्देश आहे*...

😊🌸🙏

वरिष्ठ व निवड श्रेणी प्रशिक्षण प्रमाणपत्राबाबत

 *राज्यातील सर्व शिक्षकांना शिक्षक दिनानिमित्त हार्दिक शुभेच्छा*

*वरीष्ठ व निवड श्रेणी प्रशिक्षण महत्त्वाचे*

ज्या प्रशिक्षणार्थी यांनी वरीष्ठ व निवड श्रेणी प्रशिक्षण १००% पूर्ण केले आहे त्यांनी https://training.scertmaha.ac.in/Certificate2023/

या लिंक वर जाऊन आपले प्रशिक्षण पूर्ण करून घ्यावे.

1. प्रस्तुत प्रमाणपत्र एकदाच बदल करता येणार आहे. म्हणून सर्व माहिती व्यवस्थित वाचून भरा.

२.प्रमाणपत्र डाऊनलोड करण्यापूर्वी आपले पूर्ण नाव, शाळेचे नाव, पत्ता व्यवस्थित भरल्याची खात्री करा.

३. आपल्यास हवा असलेला प्रशिक्षण गट व प्रकार योग्य असल्याची करा. *प्रशिक्षण प्रकार व गट चुकला असल्यास प्रमाणपत्र डाऊनलोड करू नका. 

४. या कार्यालयाशी संपर्क साधून योग्य बदल करून घ्या.

५. एकदा चुकलेले प्रमाणपत्र पुन्हा दुरुस्ती करून मिळणार नाही, याची नोंद घ्यावी.

६. प्रशिक्षण १००% पूर्ण करूनही डाऊनलोड साठी प्रमाणपत्र  उपलब्ध न होणाऱ्या प्रशिक्षणार्थी यांनी गोंधळून जावू नये. त्यांना 2 आठवड्यात प्रमाणपत्र प्राप्त होईल.

अमोल येडगे, भा. प्र. से.

संचालक

राज्य शैक्षणिक संशोधन व प्रशिक्षण परिषद महाराष्ट्र पुणे.

विद्यांजली पोर्टल वर नोंदणी केली आहे.आपल्याला मदत हवी आहे का ? अशी मिळवा मदत.

 नमस्कार,

विद्यांजली हे पोर्टल शालेय शिक्षण व साक्षरता विभाग नवी दिल्ली यांच्याकडून तयार करण्यात आले असून महाराष्ट्रातील प्रत्येक जि. प., मनपा, नपा,शासकीय व खाजगी 100% अनुदानित शाळेने या पोर्टलवर नोंदणी करणे गरजेचे आहे.

💧 *Vidyanjali 2.0 शाळेची नोंदणी केली. आता या पध्दतीने मदत मिळवा.*

https://youtu.be/EIqD58Ng7pM

💧 *Vidyanjali 2.0, How to Register School?*

https://youtu.be/0cXgdjk0mrQ

💧 *Vidyanjali 2.0, How to Register Volunteer?*

https://youtu.be/3FUhptxLeRk

💧 *What is Vidyanjali, विद्यांजली म्हणजे काय?*

https://youtu.be/Onp_UwxD0FU

💧 *व‍िद्यांजलीमध्ये शाळा आण‍ि स्वयंसेवकांची भूमिका*

https://youtu.be/4OgQJlKu3pM

💧 *व‍िद्यांजलीमध्ये अध्ययन अध्यापनात ही मदत घेऊ शकता*

https://youtu.be/-__tYxQ8PBM

💧 *विद्यांजली योगदान अटी व शर्ती*

https://youtu.be/Rd0q34PhbRk

➡  *व्हिडीओ मिळवण्यासाठी या ग्रुपमध्ये सहभागी व्हा.*

https://chat.whatsapp.com/CdpPGnvUxqT2tfrPNnRG5q

कृपया शेअर करा.🙏🏻

https://youtu.be/Y6wfPMZw210?feature=shared

 https://youtu.be/Y6wfPMZw210?feature=shared

चांद्रयान 3 मोहीमेविषयी थोडक्यात माहिती

                           *चांद्रयान-3 मोहीम*

चांद्रयान-3 लँडिंगची तारीख 23 ऑगस्ट 2023

चांद्रयान-3 प्रक्षेपण तारीख 14 जुलै 2023

चांद्रयान-3 प्रक्षेपण ठिकाण सतीश धवन अंतरिक्ष केंद्र (SDSC), श्रीहरिकोटा

भारतातील श्रीहरिकोटा येथील सतीश धवन अंतराळ केंद्रातून 14 जुलै 2023 रोजी प्रक्षेपण झाले.

*चांद्रयान-3 मोहिमेची उद्दिष्ट*

चांद्रयान-3 मोहीम भारताच्या चंद्र संशोधन कार्यक्रमातील एक महत्त्वपूर्ण पाऊल आहे. हे चंद्र आणि त्याच्या संभाव्य संसाधनांबद्दलची आपली समज वाढवण्यास मदत करेल. हे मिशन अंतराळ संशोधनात भारताच्या क्षमतांचे प्रदर्शन करेल आणि देशाला या क्षेत्रात आघाडीवर ठेवण्यास मदत करेल. चांद्रयान-3 मिशन 14 जुलै 2023 रोजी प्रक्षेपित झाले.

चांद्रयान-3 चंद्राच्या पृष्ठभागावर उतरले.भारताने *23 ऑगस्ट 2023* रोजी चंद्राच्या पृष्ठभागावर आपली चांद्रयान-3 मोहीम यशस्वीरित्या उतरले आणि युनायटेड स्टेट्स, रशिया आणि चीननंतर असे करणारा चौथा देश बनला. 

लँडर विक्रमने चंद्राच्या दक्षिण ध्रुवाला स्पर्श केला. प्रज्ञान रोव्हर लँडरमधून बाहेर पडेल आणि येत्या काही दिवसांत चंद्राच्या पृष्ठभागाचा शोध सुरू करेल. चांद्रयान-3 चे यशस्वी लँडिंग ही भारताच्या अंतराळ कार्यक्रमासाठी एक मोठी उपलब्धी आहे आणि हे शक्य करणाऱ्या शास्त्रज्ञ आणि अभियंत्यांच्या कठोर परिश्रमाचा आणि समर्पणाचा दाखला आहे.

चांद्रयान-3 मोहिमेद्वारे चंद्राच्या दक्षिण ध्रुवाविषयी मौल्यवान डेटा गोळा करणे अपेक्षित आहे, जे पाण्याच्या बर्फाने समृद्ध असल्याचे मानले जाते. या माहितीचा उपयोग चंद्राच्या भविष्यातील मानवी संशोधनास समर्थन देण्यासाठी केला जाऊ शकतो. या मोहिमेमुळे शास्त्रज्ञांना चंद्राची निर्मिती आणि उत्क्रांती अधिक चांगल्या प्रकारे समजून घेण्यात मदत होईल अशी अपेक्षा आहे. या लेखात या भारताच्या अतुलनीय चंद्र मोहिमेबद्दल सविस्तर माहिती दिली आहे.

चांद्रयान-3 चे यशस्वी लँडिंग हा भारतासाठी एक अभिमानाचा क्षण आहे आणि आपल्या अंतराळ संशोधनात एक महत्त्वाचे पाऊल आहे.

चांद्रयान3 ही भारतीय अंतराळ संशोधन संस्था (ISRO) ची तिसरी चंद्र मोहीम आहे. यात चांद्रयान-2 प्रमाणेच लँडर आणि रोव्हर असेल, परंतु ऑर्बिटर नसेल. त्याचे प्रोपल्शन मॉड्यूल कम्युनिकेशन रिले उपग्रहासारखे वागेल. अंतराळयान 100 किमी चंद्राच्या कक्षेत येईपर्यंत प्रोपल्शन मॉड्यूल लँडर आणि रोव्हर कॉन्फिगरेशन घेऊन जाईल. लँडर, रोव्हर आणि प्रोपल्शन मॉड्यूल: चांद्रयान-3 इंटरप्लॅनेटरी मिशनमध्ये तीन प्रमुख मॉड्यूल आहेत. ते पुढीलप्रमाणे

चांद्रयान-3 ही मोहीम चंद्राच्या दक्षिण ध्रुव मोहिमेच्या आजपर्यंतच्या सर्वात जवळची मोहीम आहे, चंद्राचा एक प्रदेश जो भूवैज्ञानिकदृष्ट्या अद्वितीय आहे आणि कायम सावलीत ठिपके ठेवतो.

चांद्रयान-3 आणि आर्टेमिस एकॉर्ड

अलीकडेच, नियोजित चांद्रयान-3 प्रक्षेपणापूर्वी, भारताने चंद्रावर शांततापूर्ण मानवी आणि रोबोटिक अन्वेषण करण्याच्या उद्देशाने नासाच्या नेतृत्वाखालील आर्टेमिस करारावर स्वाक्षरी केली.

या कराराचे तात्काळ लाभ मानवी अंतराळ उड्डाणासाठी मिळत असले तरी, चांद्रयान-3 मधील डेटा भविष्यातील आर्टेमिस मानवी लँडिंगसाठी देखील उपयुक्त ठरू शकतो.

*EMI-EMC चाचणी म्हणजे काय?*

EMI-EMC (इलेक्ट्रो मॅग्नेटिक इंटरफेस/ इलेक्ट्रो मॅग्नेटिककम्पॅटिबिलिटी) चाचणी उपग्रह मोहिमांसाठी अवकाश वातावरणातील उपग्रह उपप्रणालींची कार्यक्षमता आणि अपेक्षित इलेक्ट्रोमॅग्नेटिक पातळींशी सुसंगतता सुनिश्चित करण्यासाठी घेतली जाते.

ही चाचणी उपग्रहांच्या पूर्ततेतील एक महत्त्वाचा टप्पा आहे.

चांद्रयान-3 इंटरप्लॅनेटरी मिशनमध्ये तीन प्रमुख मॉड्यूल आहेत: प्रोपल्शन मॉड्यूल, लँडर मॉड्यूल आणि रोव्हर. मिशनच्या जटिलतेसाठी मॉड्यूल्समधील रेडिओ-फ्रिक्वेंसी (RF) संप्रेषण दुवे स्थापित करणे आवश्यक आहे.

चांद्रयान-3 लँडर EMI/EC चाचणी दरम्यान, लॉन्चर सुसंगतता, सर्व RF प्रणालींचे अँटेना ध्रुवीकरण, ऑर्बिटल आणि पॉवर डिसेंट मिशन टप्प्यांसाठी स्टँडअलोन ऑटो कंपॅटिबिलिटी चाचण्या आणि लँडिंग मिशन टप्प्यासाठी लँडर आणि रोव्हर सुसंगतता चाचण्या सुनिश्चित केल्या गेल्या. यंत्रणांची कामगिरी समाधानकारक होती.

*चांद्रयान-3 चे लाँच व्हेइकल*

चांद्रयान-3 लाँच व्हेईकल हे जिओसिंक्रोनस सॅटेलाइट लॉन्च व्हेईकल मार्क III (GSLV Mk III) रॉकेट आहे, ज्याला लॉन्च व्हेईकल मार्क-3 (LVM-3) असेही म्हणतात.

GSLV Mk III हे भारतीय अंतराळ संशोधन संस्था (ISRO) द्वारे विकसित केलेले तीन-स्टेज हेवी-लिफ्ट प्रक्षेपण वाहन आहे.

GSLV Mk III चा पहिला टप्पा दोन विकास इंजिनद्वारे समर्थित आहे, दुसरा टप्पा सिंगल C25 इंजिनद्वारे समर्थित आहे आणि तिसरा टप्पा सिंगल क्रायोजेनिक इंजिनद्वारे समर्थित आहे.

चांद्रयान-३ लाँच व्हेईकल 4,000 किलोपर्यंतचा पेलोड जिओसिंक्रोनस ट्रान्सफर ऑर्बिटमध्ये उचलण्यास सक्षम आहे.

लँडर आणि रोव्हर चंद्राच्या दक्षिण ध्रुवावर उतरतील, हा प्रदेश पाण्याच्या बर्फाने समृद्ध असल्याचे मानले जाते. हे अभियान एक वर्ष चालेल अशी अपेक्षा आहे. चांद्रयान-३ मोहीम हे एक मोठे उपक्रम आहे आणि हे भारतीय अंतराळ संशोधन संस्था (ISRO) च्या कठोर परिश्रम आणि समर्पणाचा पुरावा आहे. या मोहिमेमुळे चंद्राविषयीच्या आपल्या समजूतदारपणात महत्त्वपूर्ण योगदान मिळेल आणि भविष्यातील चंद्र शोध मोहिमांचा मार्ग मोकळा करण्यात मदत होईल.

                           श्री.किरण सुतार

                       केंद्रशाळा चव्हणवाडी

                           7709749093

विद्यांजली पोर्टल ऑनलाईन वेबिनारबाबत

 प्रति,

विभागीय शिक्षण उपसंचालक,(सर्व)

उपसंचालक,प्रादेशिक विद्या प्राधिकरण, (सर्व)

प्राचार्य, जिल्हा शिक्षण व प्रशिक्षण संस्था, (सर्व)

शिक्षणाधिकारी, माध्यमिक/प्राथमिक, (सर्व)

शिक्षण उपनिरीक्षक, (दक्षिण/पश्चिम/उत्तर)मुंबई 

प्रशासन अधिकारी, म.न.पा./न.पा./न.प.(सर्व)

गटशिक्षणाधिकारी, पंचायत समिती ( सर्व)

 *विषय* - विद्यांजली पोर्टल बाबत ऑनलाइन वेबिनार साठी उपस्थित राहणे बाबत  अधिनस्थ क्षेत्रीय अधिकारी, मुख्याध्यापक व शिक्षक यांना आदेशित करणे बाबत.

 

उपरोक्त संदर्भीय विषयानुसार *उद्या 30 ऑगस्ट 2023* रोजी विद्यांजली पोर्टल बाबत ऑनलाइन वेबिनार  दुपारी *12.00 ते 1.30*  या वेळेत आयोजित करण्यात आले आहे... सदर सभेचे you tube वर live streaming करण्यात येणार आहे... 

तदनुषंगाने आपले अधिनस्थ सर्व क्षेत्रीय अधिकारी, मुख्याध्यापक व शिक्षक यांना सदर वेबिनारसाठी खाली दिलेल्या लिंक वर जॉईन होणेसाठी आदेशित करण्यात यावे.

 *You tube लिंक -* 

https://youtube.com/live/AyWnuYV2qIY?feature=share

श्री.अमोल येडगे ( भा. प्र. से)

  संचालक

राज्य शैक्षणिक संशोधन

 व   प्रशिक्षण परिषद  

महाराष्ट्र, पुणे

आता तरी तुमच्या पत्रिकेतला चंद्र, चंद्रबळ, ग्रहण, ग्रहणात राहुनं गिळलेला चंद्र, संकष्टीला चंद्रोदयानंतर सोडायचा उपवास, करवा चौथ अशा विक्षिप्त आणि खुळचट कल्पनांना सोडा.. वैज्ञानिक दृष्टिकोन वाढवा हीच आपेक्षा...

आता तरी तुमच्या पत्रिकेतला चंद्र, चंद्रबळ, ग्रहण, ग्रहणात राहुनं गिळलेला चंद्र, संकष्टीला चंद्रोदयानंतर सोडायचा उपवास, करवा चौथ अशा विक्षिप्त आणि खुळचट कल्पनांना सोडा..

वैज्ञानिक दृष्टिकोन वाढवा हीच आपेक्षा...

      आज विज्ञानाच्या सहाय्याने मानव प्रत्येक ग्रहा वर जात आहे. मात्र त्याला स्वर्ग-नर्क अशी कोणतीच जागा किंवा वास्तू दिसली नाही. कारण ते मुळात अस्तित्वातच नाही.

धर्म ग्रंथात चंद्र, शनि, मंगळ ग्रहा बद्दल किती भंपक कल्पना लिहून ठेवल्या आहेत ते आज समजलंच असेल.

     चंद्रयान हे फक्त आणि फक्त विज्ञानाच्या जोरावर यशस्वी झालेलं आहे याला कोणत्याही आरत्या, पंचांग, होम- हवणाच्या कुबड्यांची गरज लागलेली नाही, यापुढे ही लागणार नाही. त्यामुळे शास्त्रज्ञांचे कर्तृत्व कोणत्याही होम हवण आणि पूजा अर्चा पंचांगच्या नावावर कोणीही खपवू नका...

जिथे विज्ञान संपते तिथून नवीन तंत्रज्ञान वापरून विज्ञानच सुरू होते. अध्यात्म नाही.

अभिनंदन #ISRO 💐💐

२३ ऑगस्टला संध्याकाळी पहा चांद्रयान - ३ लँडिंग चे थेट प्रक्षेपण.

 व्हा अभूतपूर्व क्षणांचे साक्षीदार; २३ ऑगस्टला संध्याकाळी पहा चांद्रयान - ३ लँडिंग चे थेट प्रक्षेपण. 

https://localnews247.in/blog/chandrayan-will-land-on-moon-on-23-august/

मिसाईल वूमन टेसी थोमस

 *👆🏻दिसायला काकूबाई वाटत असल्या तरी त्या कुणी सामान्य गृहिणी किंवा निवडणुकीला उभ्या राहिलेल्या कोणी उमेदवारही नाहीत. अफाट आणि अचाट कर्तुत्व असलेल्या ह्या महिलेचे नाव आहे टेसी थॊमस, एक असे नाव जे तुम्ही कधीच ऐकले नसणार. कदाचित पुढेही कधी ऐकणार नाहीत. कारण मिडिया अशा लोकांना कधीच प्रसिद्धी देत नाही. त्यासाठी आपले क्रिकेटपटू आणि सिनेस्टार त्यांच्या दिमतीला आहेतच.*

*🌹 डॉक्टर अब्दुल जे कलामना आपण " मिसाईलमन " म्हणून ओळखतो. तर आपल्या देशातील हजारो शास्त्रज्ञ टेसी थोमसना " मिसाईल वुमन " म्हणून ओळखतात. टेसी थोमस " भारतीय अंतराळ संशोधन संस्थे " ( इस्रो ) च्या अधिपत्याखालील डिफेन्स रिसर्च अंड डेवलपमेंट ऑर्गनायाजेशनमद्धे त्या कार्यरत आहेत आपल्या अफाट बुद्धिमत्तेच्या बळावर तब्बल दोन हजार शास्त्रज्ञांच्या प्रमुखपदी असलेल्या त्या देशातील एक महान शास्त्रज्ञ, ज्यांच्या नेतृत्वाखाली गेल्या काही वर्षात देशाने " अग्नी " क्षेपणास्त्राचा पल्ला चार हजार ते पाच हजार किलोमीटर गाठून देशाच्या शत्रूंच्या हृदयात धडकी भरवली आणि देश अधिक सुरक्षित करण्यात मोलाचा वाटा उचलला. टेसी थोमस यांच्या त्या अफाट कर्तुत्वाला माझा त्रिवार सलाम !*

*🌹 केरळमधे एका मध्यमवर्गीय कुटुंबात जन्मलेल्या टेसीचे नाव टेसी पडले ते मदर तेरेसाना आदर्श मानणाऱ्या तिच्या आई वडिलांमुळे. लहानपणापासूनच जवळून अवकाशात झेप घेणाऱ्या क्षेपणास्त्राना, उपग्रहांना पाहून तिला त्या क्षेत्राविषयी कुतूहलमिश्रित ओढ लागून राहिली होती. अभ्यासात हुशार असल्यामुळे आयपीएस अधिकारी व्हायचं तिचं स्वप्न होतं. पण ती वळली अंतराळ संशोधन संस्थेकडे. पुण्यामधे राहून तिने एम.टेकची पदवी घेतली. तिच्यातील अफाट बुद्धिमत्ता हेरून डॉक्टर अब्दुल जे. कलाम यांनी तीचा समावेश अग्नी क्षेपणास्त्र प्रोजेक्टमधे केला. आणि स्वतःच्या अफाट बुद्धीमत्तेच्या बळावर त्या तडक अग्नी क्षेपणास्त्र ५ च्या प्रोजेक्ट डायरेक्टर पदावर जाउन पोहोचल्या.तेव्हा त्यांनी एक इतिहासच घडवला. तेव्हापासून त्यांची ओळख " अग्निपुत्री " म्हणूनही झाली.*

*आज ४९ वर्षे वय असलेल्या ट्रेसी थोमस एक आदर्श गृहिणीही आहेत. करिअर आणि संसार अशी कसरत त्यानाही रोजच करावी लागते. २४ तासामधे कोणत्याही क्षणी कामावर हजार राहावे लागत असूनही आपल्या हाताने बनविलेला स्वयंपाक कुटुंबातील सदस्यांना देण्यातील आनंद त्या भरभरून घेत असतात. देश अधिक सुरक्षित करण्यासाठी अधिकाधिक लांब पल्याची क्षेपणास्त्रे विकसित करण्याच्या नवनवीन कल्पना राबविताना त्यांना आपण हे सारे जागतिक शांततेसाठीच करतोय ह्याचे चांगलेच भान असते. दुर्दैवाने आपल्या देशाने त्यांना कधी पद्मश्री, पद्मभूषण किताबाने सन्मानित केले नाही हे आपल्या देशाचे दुर्दैव. कदाचित त्यासाठी सैफ आली खान नावाचा तद्दन भिकार अभिनेता अधिक लायक ठरत असावा.*

*🌹 मित्रानो, टेसी थोमस यांची कहाणी देशातील करोडो स्त्रियांना प्रेरणा देणारी ठरावी. आणि आजही महिलांना " पानी कम " समजणाऱ्या फेसबुकवरील असंख्य महाभागांना एक सणसणीत चपराक ठरावी ज्यांनी मला अनेक वेळा नाउमेद करून माझे पाय खाली खेचायचा प्रयत्न केला. आज इस्रोमद्धे तब्बल बाराशे महिला शास्रज्ञ म्हणून कार्यरत आहेत. देशातील करोडो महिलांची मान गर्वाने उंचावणारी त्यांची ती अफाट कामगिरी येत्या काळात महिलांना प्रत्येक क्षेत्रात उंच भरारी घ्यायला प्रेरित करेल याविषयी माझ्या मनात शंकाच नाही.*

*प्रेरणादायी अशी मला आलेली पोस्ट.!!*

*_____________________________*

चंद्रयान 3 बुधवार दिनांक 23 ऑगस्ट 23 रोजी चंद्रावर उतरणार.खालील लिंकवरून लाईव्ह पाहू शकता.

 

🌌 *चांद्रयान ३ उद्या सायंकाळी चंद्रावर उतरणार..*

🌟 *लाईव्ह पहा खालील लिंकवरून..*

https://bit.ly/Chandrayan3landing

▪️ *चांद्रयान ३ च्या लँडिंगची प्रक्रिया २३ ऑगस्टला संध्याकाळी ५:४५ ला सुरू होईल.*

▪️ *चांद्रयान ३ चंद्राच्या दक्षिण ध्रुवाजवळ ६:०४ ला उतरेल.*

🥰 *सर्व शास्त्रज्ञांना मानाचा मुजरा.. खरंच अभिमान वाटतो भारतीय असल्याचा..*

🎥 *#Live Short news-*

https://youtube.com/shorts/A9inPqh0k8o?feature=share

🪀 *हा अनुभव सर्व विद्यार्थ्यांना दाखवा.*

श्री.किरण सुतार, केंद्रशाळा चव्हाणवाडी, ता.पन्हाळा

7709749093

निपुण भारत अंतर्गत आयडिया व्हिडिओ

 सर्व लीडर माता पालकांना नमस्कार 🙏

 *https://youtu.be/sRV9FuCE8gw* 

आपल्या मुलांच्या शिकण्याचा पाया भक्कम करण्यासाठी महाराष्ट्र शासनाने *निपुण महाराष्ट्र* अभियानाची आखणी केली आहे. या अभियानाच्या अंतर्गत आठवडा 1 चा हा आयडिया व्हिडियो आहे.

आपल्या गटाचे अनुभव, मीटिंगचे फोटो, व्हिडिओ आम्हाला ह्या नंबर वर नक्की व्हाट्सऍप्प करा  *8381023480* / *9011131361*

धन्यवाद 🙏🏻

निपुण महाराष्ट्र टीम

समग्र शिक्षा, महाराष्ट्र.              

श्री.किरण सुतार, केंद्रशाळा चव्हाणवाडी 

मो. नं.7709749093

मराठीतील सुप्रसिध्द कादंबरी व त्यांचे लेखक

🔰सुप्रसिद्ध मराठी कादंबरी आणि त्यांच्या लेखकांची नावे

🔹ग्रंथाचे नाव            लेखकांची नावे🔸

1)  हिंदुत्व –           विनायक दामोदर सावरकर

2) बुदध द ग्रेट –       एम ए सलमीन

3) समीधा –           डाँ बी व्ही आठवले

4) मृत्यूंजय –          शिवाजी सावंत

5) छावा –            शिवाजी सावंत

6) श्यामची आई –      साने गुरूजी

7) श्रीमान योगी –     रणजित देसाई

8) स्वामी –        रणजित देसाई

9) पानिपत –      विश्वास पाटील

10) युगंधर –     शिवाजी सावंत

11) ययाती –     वि.स.खांडेकर

12) कोसला –    भालचंद्र नेमाडे

13) बटाटयाची चाळ-    पु ल देशपांडे

14) नटसम्राट –     वि.वा शिरवाडकर

15) शाळा –       मिलिंद बोकील

16) एक होता कार्व्हर –   विना गव्हाणकर

17) बलुत –     दया पवार

18) व्यक्ती आणि वल्ली –    पु.ल देशपांडे

19) राधेय –      रणजित देसाई

20) दुनियादारी -सुहास शिरवळकर

21) आमचा बाप आणि आम्ही – नरेंद्र जाधव

22) माणदेशी माणसे – व्यंकटेश माडगुळकर

23) पार्टनर – व.पु काळे

24) बनगरवाडी -व्यंकटेश माडगुळकर

25) राऊ – ना.सं ईनामदार

26) असा मी असामी – पु.ल देशपांडे

27) पावनखिंड – रणजित देसाई

28) नाझी भस्मासुराचा उदयास्त – वि.ग .कानिटकर

29) गोलपिठा – नामदेव ठसाळ

30) रणांगन -विश्राम बेडेकर

31) काजळमाया -जी ए कुलकुर्णी

32) राजा शिवछत्रपती -बाबासाहेब पुरंदरे

33) झेंडुची फुले – प्रल्हाद केशव अत्रे

34) स्मृतिचित्रे – लक्ष्मीबाई टिळक

35) जेव्हा मी जात चोरली होती – बाबुराव बागुल

36) झूंज – ना.सं ईनामदार

37) झोंबी – आनंद यादव

38) उपरा – लक्ष्मण माने

39) ज्ञानेश्वरी – ज्ञानेश्वर कुलकर्णी

40) चेटकीण – नारायण धारप

41) कर्हेचे पाणी – प्रल्हाद केशव अत्रे

42) वाळुचा किल्ला -व्यंकटेश माडगुळकर

43) मंतरलेले दिवस – गजानन दिगंबर माडगुळकर

44) विनोद गाथा – पी.के अत्रे

45) सत्तांतर – व्यंकटेश माडगुळकर

46) उचल्या – लक्षमण गायकवाड

47) हास्यतुषार -पी.के अत्रे

48) भुमी -आशा बागे

49) मारवा – आशा बागे

50) पैस – दुर्गा भागवत

51) त्रतुचक्र – दुर्गा भागवत

52) प्रेषित – जयंत नारळीकर

53) अजगर – सी.टी खानोलकर

54) त्यांची गोष्ट -स्वाती दत्ताराज राव

55) 1857 चे स्वातंत्र्यसमर – विनायक दामोदर सावरकर

56) सात सक्के त्रेचाळीस – किरण नगरकर

57) महानायक – विश्वास पाटील

58) पण लक्षात कोण घेतो – हरिभाऊ नारायण आपटे

59) गुलामगिरी -महात्मा फुले

60) अक्करमाशी -शरणकुमार लिंबाळे

61) पाचोळा – रा.रं बोराडे

62) शेतकर्यांचा आसुड – महात्मा फुले

63) माझा प्रवास – विष्णुभट गोडसे

64) भुताचा जन्म – द.मा मिरासदार

65) मन मै हे विश्वास – विश्वास पाटील

66) सखाराम बाईंडर – विजय तेंडुलकर

67) शिवाजी कोण होता – गोविंद पानसरे

68) अमृतवेल – वि.स.खांडेकर

69) आई समजुन घेताना – उत्तम कांबळे

70) धग – उद्दव शेळके

71) तराळ अंतराळ – शंकरराव खरात

72) हिंदु – भालचंद्र नेमाडे

73) फकिरा -अन्नाभाऊ साठे

74) यश तुमच्या हातात आहे – शिव खैरा

75) अग्नीपंख – अब्दुल कलाम

76) मुसाफिर – अच्युत गोडबोले

77) पांगिरा -विश्वास पाटील

78) झाडाझडती – विश्वास पाटील

79) अपुर्वाई – पु.ल देशपांडे

80)  मी माझा – चंद्रशेखर गोखले

81) मर्मभेद – शशी भागवत

82) फास्टर फेणे – भारा भागवत

83) सखी – व.पु काळे

84) राशीचक्र -शरद उपाध्ये

85) गहिरे पाणी – रत्नाकर मतकरी

86) चौघी जणी – शांता शेळके

87) माझी जन्मठेप – विनायक दामोदर सावरकर

88) बरमुडा ट्रँगल – विजय देवधर

89) इडली आँर्किड आणि मी – विठठल कामत

90) माझ्या बापाची पेंड – द.मा मिरासदार

91) तुंबाडचे खोत – श्री ना पेंडसे

92) नाँट विदाऊट माय डाँटर – बेटी महमुदी

93) वीरधवल -नाथ माधव

94) पहिले प्रेम -वि.स खांडेकर

95) पावनखिंड – रणजित देसाई

96) प्रकाशवाटा – बाबा आमटे

97) गारंबीचा बापु – श्री ना पेंडसे

98) कोल्हाटयाचे पोर – किशोर शांताबाई काळे

99) एकच प्याला – राम गणेश गडकरी

100) किमयागार – अच्युत गोडबोले

101) युगांत – ईरावती कर्वे

102) वाँईज अँण्ड अदरवाईज -सुधा मुर्ती

103) निळावंती – मारूती चितमपल्ली

104) यक्षांची देणगी – जयंत नारळीकर

105) आनंदी गोपाळ – श्री ज जोशी

106) पडघवली – गो नी दांडेकर

107) सारे प्रवासी घडीचे – जयवंत दळवी

108) काळोखातुन अंधाराकडे – अरूण हरकारे

109) महाश्वेता – सुमती क्षेत्रमाडे

110) तिमिराकडुन तेजाकडे – नरेंद्र दाभोळकर

111) हाफ गर्लफ्रेंड – चेतन भगत

112) लज्जा – तस्लिमा नसरीन

113) माझे विद्यापीठ – नारायण सुर्वे

114) ईलल्म -शंकर पाटील

115) डाँ बाबासाहेब आंबेडकर – शंकरराव खरात

116) वावटळ -व्यंकटेश माडगुळकर

117) उपेक्षितांचे अंतरंग – श्री म माटे

118) माणुसकीचे गहिवर – श्री म माटे

119) नापास मुलांची गोष्ट – अरूण शेवते

120) मी वनवासी – सिंधुताई सपकाळ

                श्री.किरण दिपक सुतार

                केंद्रशाळा चव्हाणवाडी

                     ७७०९७४९०९३

मग बघूया ! बाद में देखेंगे !

मग बघूया

                ✍️आयुष्यात असे काही क्षण असतात...हे करू की नको आणि अशावेळी आपण एक शब्द नेहमी वापरतो की 'मग बघूया....' आणि  ज्यावेळी  आयुष्याच्या  शेवटच्या   क्षणाला  आपण  ज्यावेळी   आयुष्याचा  चलचित्रपट  चालवतो   त्यावेळी  गोळाबेरीज  करताना  अशा   कितीतरी  गोष्टी असतात की त्या बाकी मध्ये राहिलेल्या असतात..
                 नक्कीच  मी  काय...आपण काय ही बाकी शून्य करू शकत नाही.पण कमी तरी नक्कीच करू शकतो.  बस्स..काय लागते... काहीतरी करण्याची इच्छा, प्रत्येक गोष्टीत आनंद शोधण्याची कला,जे काय चांगले आणि विलक्षण आहे  त्या  उदात्त  गोष्टीवर  मनापासून प्रेम करण्याची शक्ती...पण मग हा शब्द आपल्या आयुष्यात एवढा मोठा बदल घडवतो की आपले आयुष्यच एक adjustment करून टाकतो..
                 आयुष्यात पाहिजे असणारी एखादी गोष्ट पुढे ढकलायची असेल तर आपण नक्की वापरणारा  शब्द  म्हणजे... 'मग बघूया...' अगदी तारूण्यापासून म्हणजे आपण शाळेत असल्यापासून 'मग बघूया' या शब्दामुळे सूतपुत्र कर्णासारखं बाजूला पडतो.. कित्येक वेळा मनाला आवरून जगावं लागते.त्यावेळी नोकरी लागू दे 'मग बघूया', नोकरी लागल्यानंतर... लग्न होऊ दे 'मग बघूया',घर बांधून 'मग बघूया',मुले होऊ द्यात 'मग बघूया'..मुलांचे शिक्षण होऊ  देत 'मग बघूया',  मग  बघूया  म्हणत  म्हणत  काळाची  एवढीशी  खार  हळूहळू   एक  एक लाकूड स्मशानात नेऊन कधी सरण रचते कळतसुद्धा नाही.*मग कळते अरेच्या जगायचं राहूनच गेलं की...
                          मग आपल्या कल्पनेतील आनंद कल्पनेतच राहतो आणि नशीबाने मिळालेल्या माणसाचा जन्म आपण आयुष्यातील आलेल्या  परीक्षा  सोडवण्यात  घालवतो.. एक  पेपर  सोडवला  की  दुसरा  पेपर  तयार आणि धावत्या जगात जो मनातील आनंद घ्यायचा ठरवलेला  असतो..ज्या म नात इमारती बांधलेल्या असतात त्या ढासळून जातात..  जिवंत असेपर्यंतच आनंद घ्यायला हवा. नाहीतर राखेवर ठेवली जाणारी शेव आणि भज्जी फक्त काकस्पर्श ठरतील... सुखस्पर्श नाही..सुंदर  आयुष्य जगायला  फक्त  पैशाची  नव्हे  तर  गरज  आहे सुंदर  विचार करण्याची..नाही  तर  हे   आयुष्य   असेच  निघून जाईल...हे म्हणत की बाद में देखेंगे म्हणजेच मग बघूया....

श्री.किरण दिपक सुतार,केंद्रशाळा चव्हाणवाडी, ता.पन्हाळा,जि.कोल्हापूर

  

प्रशासनातील देव माणूस

                 *चर्चेतली माणसं*

विलासपूरचे जिल्हाधिकारी डॉ.संजय अलंग हे विलासपुर येथील मध्यवर्ती कारागृहात तपासणीसाठी पोहोचले असता त्यांना एक ६ वर्षांची मुलगी वडिलाना मिठी मारून रडताना दिसली चौकशी केल्यावर कळले की तो इसम एका गंभीर गुन्ह्यात शिक्षा झालेला कैदी आहे आणि ही त्याची मुलगी आहे.

त्याने  ५ वर्षे शिक्षा भोगली आहे, आणखी ५ वर्षाची शिक्षा बाकी आहे....ही मुलगी १५ दिवसाची असताना तिच्या आईचे निधन झाले. तिची काळजी घेण्यासाठी घरी कोणी नव्हते. त्यामुळे तिला वडिलांसोबत तुरुंगात राहावे लागते ... हे ऐकुन जिल्हाधिकारी डाॅ .संजय अलंग यांना वाईट वाटले व त्यांनी तात्काळ निर्णय घेऊन त्या मुलीला आपल्या गाडीत बसवले आणि तिला विलासपुरमधील जैन इंटरनॅशनल स्कुल या शाळेत  Sr. K.G. मध्ये अ‍ॅडमिशन घेऊन दिले ते फक्त एवढ्यावरचं थांबले नाही तर तिच्या राहण्याची व्यवस्था शाळेच्या वसतिगृहात केली आणि तिची काळजी घेण्यासाठी  विशेष केअर टेकरची व्यवस्था केली,मुलीच्या संपुर्ण शिक्षणाचा ,वस्तीगृहाचा , केअर टेकरचा आणि तिच्या सर्व गरजा पुर्ण करण्याचा खर्च जिल्हाधिकारी स्वतः उचलणार आहेत..

वरील घटना ६ मार्च २०२३ ची आहे..प्रशासनातल्या या देव माणसाला प्रणाम.🙏🙏

                               श्री किरण दिपक सुतार 

                    केंद्रशाळा चव्हाणवाडी, तालुका पन्हाळा

                              संपर्क - 7709749093

संचमान्यता २०२२/२३ मधील आधार कार्ड नसणारे किंवा इंडियन असलेले विद्यार्थी नियमित पटात घेण्यासंबंधी करावयाच्या कारवाईबाबत

 

संच मान्यता 2022 23 मध्ये ज्या शाळांचे विद्यार्थी आधार कार्ड नसल्याने किंवा आधार कार्ड इनव्हॅलिड असल्याने आऊट ऑफ स्कूल केलेले होते,अशा शाळेची संच मान्यता टक्केवारी 85 टक्के पेक्षा जास्त असल्यास असे विद्यार्थी गटशिक्षणाधिकारी लॉगिन वरून सँक्शन करण्याची सुविधा उपलब्ध झालेली आहे. याबाबत खालील प्रमाणे सूचना देण्यात येत आहेत.

Note (सूचना)

1) संच मान्यता 2022-23 साठी ज्या शाळांची आधार वैधता ८५ टक्के पेक्षा कमी आहे त्या शाळांचे अनुपस्थित असलेले काही Invalid विध्यार्थी शाळेने ३१/०७/२०२३ नंतर Out of School किंवा दुबार नोंद असलेले विद्यार्थी Delete केले असतील तर अश्या विद्यार्थ्यांची शिक्षण विस्तार अधिकारी /केंद्र प्रमुख यांचे मार्फत तपासणी करून अशा विद्यार्थ्याना Reject करण्यासाठी गट शिक्षणाधिकारी यांचे लॉगिन वर Sanch Manyata या मेनूमध्ये Sanch Manyata Rejection 2022-23 हि सुविधा देण्यात आलेली आहे .

२) गट शिक्षणाधिकारी यांचे लॉगिन वर Sanch Manyata या मेनूमध्ये Sanch Manyata Rejection 2022-23 यावर क्लिक केल्यानंतर संबंधित शाळेचा Udise code नमूद केल्यानंतर search button वर क्लीक केल्यानंतर ३१/०७/२०२३ नंतर Out of School किंवा दुबार नोंद असलेले delete केलेले विद्यार्थी दिसतील Reject करावयाच्या अश्या विद्यार्थ्यांच्या नावासमोरील शेवटच्या Rejection Status या रकान्यातील चौकोनात टिक करावे व त्यानंतर Reject या बटण वर क्लीक करावे.

3) Search Button वर क्लीक केल्यानंतर अशा शाळा उपलब्ध होतील ज्यांनी त्या शाळेतील एकूण संच मान्यतेमध्ये फॉरवर्ड केलेल्या विद्यार्थ्यांपैकी ८५% पेक्षा कमी आधार प्रमाणीकरण पूर्ण केले आहेत.

                          श्री किरण दीपक सुतार,

                           केंद्रशाळा चव्हाणवाडी,

                    मोबाईल नंबर 770 974 90 93

केंद्रशाळा चव्हाणवाडी येथे ७७ वा भारतीय स्वातंत्र्य दिन उत्साहात साजरा झाला.

 

 

 

          लेझीमेच्या ठेक्यावर पाहुण्यांचे वाजत-गाजत स्वागत करण्यात आले.शाळेच्या बालचमुंनी लेझीम वाजवत सर्व उपस्थित पाहुण्यांना ध्वजारोहण स्थळी आणले. चव्हाणवाडी गावाचे सरपंच, उपसरपंच, सर्व ग्रामपंचायत सदस्य,  ग्रामसेविका,  शाळा  व्यवस्थापन  समिती अध्यक्ष,  उपाध्यक्ष,  सदस्य,  जोतीर्लीग हायस्कूल बोर्गाव्चे मुख्याध्यापक व सर्व शिक्षक स्टाफ, अंगणवाडी सेविका मदतनीस, पालक व ग्रामस्थ मोठ्या  संख्येने  उपस्थित  होते. या प्रसंगी विदयार्थी  भाषणे,  मुलगी असणा-या माता-पित्यांचा सन्मान करणेत  आला. यावेळी  शाळेचे  विद्यार्थी शेतकरी, सैनिक या वेशात आले होते. सरतेशेवटी प्रभात फेरी काढून कार्यक्रमाची सांगता करणेत आली.

                                                    श्री.किरण दिपक सुतार

                                               केंद्रशाळा चव्हाणवाडी,ता.पन्हाळा 

                                                        ७७०९७४९०९३

पतेती किंवा पारशी नववर्ष

 ********************************************

       *पतेती किंवा पारशी नववर्ष*

    आज पतेती त्या निमित्त या *पारशी* समाजी ओळख करून देण्याचा एक प्रयत्न .

   *भारतातील मुंबई ,पुणे ,गुजरात* या बाजूला या धर्माचे लोक दिसून येतात. *हे लोक इराणकडून भारतात आले* त्याला कारण म्हणजे *मुसलमानी धर्म इराण मध्ये शिरला ,तेंव्हा तेथील आतल्या धर्माच्या रक्षणासाठी या लोकांनी देशांतर केले* व भारताचे रहिवासी झाले त्याचा खूप खूप फायदा आपल्या भारत देशाला झाला.

    *पारशी धर्माचे संस्थापक " झरतुष्र्ट हा होय* हे लोक *अग्निपूजक* असून त्यांचा पवित्र धर्मग्रंथ *अवेस्ता* हा आहे .*बंधूभाव ,ऐक्य ,दानशूरपणा* या मुळे या समाजाने आपली वेगळी छाप भारतीय समाजावर निर्माण केलेली दिसते.*हा समाज म्हणजे शांतीप्रिय ,बहुअयामी असाआहे* .

पतेतीच्या दिवशी हे लोक *अग्यारी* ( प्रार्थनास्थळ ) मध्ये जावून प्रार्थना करतात.यांचे *पूर्वज प्राचीन इराणी लोक होय.मुळात हे लोक उंच ,मोठे डोळे उजळ रंगाचे व प्रेमळ स्वभावाचे असतात .यांच्या अहारात शेवया ,शिरा ,फालूदा ,अंडी मास असे पदार्थ असातात.त्यांच्या लग्नात व्याहीभेट असते चांदीच्या नाण्यांची देवाण घेवाण असते ,भांगात कुंकु  पण भरतात लग्नात ,अक्षदा पण असतात *लग्नगाठी देवाने बांधल्या यावर विश्वास* असतो.*अंत्यविधी मात्र पूर्णपणे वेगळा म्हणजे शरिर ते प्राणीमात्रांना खाण्यास देतात .म्हणजे विहिर वर लटकवून ठेवतात.नंतर *घर गोमूत्राने स्वच्छ करतात*.

   या लोकांचे *वैशिष्ट* म्हणजे यांनी  कधीही *भांडण ,हक्क ,आंदोलन केले नाही* .सार्वजनीक मालमत्तेची *नासधूस ,दगडफेक ,गुंडगिरी ,दंगल मोर्चे केले नाही* ना कधी *अल्पसंख्यांक असून आरक्षण मागितले नाही* ( 2001 च्या जनगणने नुसार ही संख्या 70 हजाराहूनही कमी आहे )

     पण हे लोक *उद्योग व्यवसाय विज्ञान तंत्रज्ञानात खूपच पुढे आहेत उद्योगात तर त्यांचा हात कुणीच धरू शकत नाही रतन टाटा ,जे आर डी टाटा ,सायरस पुनावाला ,गोदरेज ज्यांच्या मुळे कोट्यावधी लोकांना रोजी रोटी मिळाली .होमी भाभा ,होमी सेठाना यांनी विज्ञानात जे केले ते तर आपण सगळेच जाणतो .कायदे पंडित तर त्यांचे निर्णय तर वाखण्या जोगे भलेभले लोक घाबरतात ते म्हणजे नानी पालखीवाला ,सोराबजी ,नरिमन अशी लोक पारशी र्धमाची प्रेमळ आहेत*

    एवढेच काय तर देश पारतंत्र्यात असताना या मुठभर लोकातून पुढे येवून *आपल्या देशासाठी प्राणाची बाजी लावणारे दादाभाई नौरोजी ,फिरोजशहा मेहता ,भिकाई कामा ,पेटिट ,जहांगिर यांचे योगदान खूपच मोठे आहे .यांच्या मध्ये *मानवता* ठासून भरलेली आढळते त्याचे उदा. *जे आर डी टाटा ,रतन टाटा हे त्यांच्या एक पाऊल पुढेच आहेत*.त्यांच्या मध्ये व्यवसायाशी प्रामाणिकपणाचा मोठा गुण आहे .आज आपण टाटा कंपनीच्या नावाच्या कोणत्याही वस्तू अथवा खाण्याचे पदार्थ डोळे झाकून खरेदी करतो .हा विश्वास त्यांनी कमवला आहे . तसेच आज जे मोठ मोठे दवाखाने दिसतात ते म्हणजे *के .ई .एम ,जहांगिर ,रूबी हाॅल* या सारख्या हाॅस्पीटल मधुन आज पुणे मुंबईच नाही तर संपुर्ण महाराष्र्टातील लोकांना उपचार मिळत आहेत . तस म्हटले तर कोरोना काळात मोठ्या प्रमाणात लस उत्पादन करून समाजावर आपल्या भारतिय बांधवानवर त्यांचे उपकारच आहेत .ते भारतिय लोक विसरूच शकत नाहीत.

   अशा आपल्या भारतीय पारशी बांधवांना नववर्षाच्या खूप खूप शूभेच्छा.💐💐💐💐💐💐

************************************************

श्री किरण दिपक सुतार, विषय शिक्षक, केंद्रशाळा चव्हाणवाडी,7709749093

*

आपण खरच तंत्रस्नेही आहे काय ? श्री.किरण सुतार,केंद्रशाळा चव्हाणवाडी,ता.पन्हाळा